حينَ تـُـبصر الأمور .. متأخراً

هو ده عدد الزهرات يا إيمان ؟؟ ..
أه هو.. فيه غيرهم بس مش جم النهارده..


لا عجب ألا يُعجبها العدد فهي كانت رائعه في إحضار أكثر عدد ممكن من الفتيات..
إنها مشرفتي الجميلة..

عامله إيه..
الحمد لله , يوم الاتنين الجاي الدكتور هيحدد لي العملية..
طب وهي العملية أخبارها إيه , بسيطة يعني إن شاء الله ؟..
عملية قلب يا إيمان..
بإبتسامه.. خير , و القلب ده بتاع ربنا..مش كده؟؟..
ابتسمت لي ..

أعطيتها ال mp3
لتستمع لأغنية أردت لها أن تسمعها لحين انتهائي..
http://www.4shared.com/file/142222845/575ff153/___online.html

بعد أن إنتهينا و خرج جميع الأطفال رافقتها .. رافقتها و استوقفتي على السلم إذ كنا نتحدث عن بعض الأمور
التي نريد تجهيزها لأجل تلك الفتيات..فتيات مسجدنا..

معلش يا إيمان الناس ال اشتكت انه مقصره ف شغلي أنا بجد غصب عني بس ماحدش حاسس بحاجه
أنا لو نزلت يوم بنام عليه شهر..واهي العملية هتتحدد و ربنا يستر..
على فكرة يا أبلة..أنا ال كنت اشتكيت..أصل أنا صراحه بحب العمل يبقى مؤسسي و يبقى فيه متابعه..
رغم إنه أنا أول الناس ال مقصرة..بس فعلاً أنا متأسفه..

عارفه يا إيمان..كنت قاعده و بقرأ عن الناس ال قدمت لدعوتها كتير و ال عملوه و بقرأ عن الدعوة و و..
وقعدت أعيط..وزوجي يقولي هوني على نفسك..ماتعمليش ف نفسك كده..

عارفه..إلا الدعوه عندي يا إيمان دي حياتي أصلاً ما أقدرش أعيش من غيرها..ماينفعش – و أخذت تبكي -..
أنا لو عليا هنزل لشغلي كل يوم..ما أقدرش اتأخر..ده احنا ياما اتبهدلنا عشانها و كانت بتنطرد من بيوتنا..
لكن أبداً.. أنا بعيش الدعوه دي ف كل حاجه..

عارفه يا إيمان هقولك حاجه..الدعوه دي بتاعت ربنا مش بتاعت حد..
وما تبصيش لسلبياتها و بس ماتخليش ده يعوقك عن العمل فيها وما تستنيش حد و ابدعي..
عيشي الدعوه دي لله..مش لأفراد أبداً..كله إلا دعوة ربنا..
..

لا أعلم لمَ لا نحس بقيمة الورد ونضارته في بستاننا إلا عند ذبوله..!
ألوم نفسي كثيراً..ربما قسوت عليها أحياناً..و ربما لم ألتمس لها العذر و ربما و ربما و ربما..
هي صدقاً رائعه..لكم مرت بكثيرٍ من الألم و الأسى تحملَـتهُ أمام عينيَّ لأجل دعوتها..
مرًّت بمواقف عدَّة قاسية من قِبَل كثيرين و كنت أجدهاهي أول من تكون لجوارهم في أول وقت يحتاجون إليها فيه..
 و ربما تبكي لأجلهم..

هي رائعه في التربية كانت معلمة مسجدي في مرحلة ما..
و هي الأن مشرفتي بعد أن حللت أنا مكانها..
بالمناسبة هي في العشرينات من عمرها..لها كثير من الأثر في حياتي..لم اكتشفه ربما إلا متأخراً..

رائعه في تربية طفليها..أحكي لكم موقف لابنها ذو الثلاث سنوات و نصف..
بتقولي معاذ ابني ده جميل أوي يا إيمان عارفه امبارح صباعه ال ف النص اتعور فبقوله معلش و كده..
فقام قايلي لا يا ماما..الحمد لله .. ربنا عورلي واحد بس وسابلي أربعه..
استغربت لطفل في الثالثة و النصف و يقول هذا..منا من يبلغ العشرين و يتملكه التعنت !

لا يعجبني أحدهم بسهولة ..
إلا أنني اكتشفت اليوم بأنها استطاعت أن تبني شيئاً ما في عقلي و قلبي..
ربما بقوة تحملها..وطيبة قلبها..وحبها لدعوتها وتحركها فيها.. وشفافية تربيتها..و حبها لزوجها..و..و..
هي صدقاً رائعه..
...

أحياناً تبلغ بنا القسوة أن ننسى بأننا نتعامل مع إنسان..إنسان ربما هو أجمل..
ربما نظلمه بأحكامنا..و بعدم التماسنا لأعذار قد ترحمه من ألم سوطنا..نتعنت عليه و فقط..
ربما نحتاج لخلق الرحمه..و التماس الأعذار..
..
أمرٌ آخر..
دائماً أقولها..الدعوه دي نعمه فعلاً.. ربنا مش بيمنحها لأي حد..
و مش هيعرف كده غير ال عايشها فعلاً بجد..أو ال كان عايشها و فقد وجوده فيها كسابق عهده..
أو ال عاوز يشتغل فيها و بيها و مش قادر لأسباب بيقنع نفسه بيها..
و فعلاً هي نعمه كبيرة أوى و ما بيقدرهاش إلا الـ عارف قدرها
و الـ ربناحطه فيها..يشكره كتير أوي عليها وما يفرطش فيها..
لأنه ساعتها هيبقى هو ال خسران..كده كده ماشيه بيه أو من غيره..
و ال مش لاقيها يبقى واهم نفسه لأنها موجوده ف كل حته بس هو يروحلها..
..

فقط..اللهم اجعلنا بها و اجعلها بنا ,و أجعلها حجة لنا لا علينا
و اللهم أتم علينا نعمتك..

معلمتي الغالية..شفاكِ الله بقدرته..
وكما قلت لكِ إن كانت عمليتكِ ستُجرى بقلبك , فقلبكِ في يد ربك..
و من هو أأمن منه عليه ؟؟

____
 
منشور هنا بتاريخ 7 \ 11 \ 2009